FAKAILOAAGA PUIPUI GAGAO Ko e gagao …

FAKAILOAAGA PUIPUI GAGAO

Ko e gagao dengue fever kua tupu ai ke he tau atu motu ko Fiji, Vanuatu, French Polynesia, New Caledonia, Cook Islands, Tonga mo Samoa ke he magaaho nei.

Kua kitia ai foki e gagao Zika virus kua tupu ai kehe motu ko Cooks Islands mo Easter Island.

Ko e tau gagao pikitia nei utafano he tau namu. Tatai ni e tau fakakiteaga kehe tau gagao nei koe velavela e tino (fever), mamahi e ulu, mamahi tau mata, tau alaga he tino moe maeke ai foki ke moua he magiho.

Ha kua nakai fai vai huki fakagata ke tului aki e tau gagao nei kua manako e Faahi Gahua Malolotino ke fakailoa atu kia mutolu ka ahiahi atu kehe tau motu na ke puipui e tau tino ke aua neke gagau he namu moe moua he gagao. Finatu ke kitia e ekekafo kaeke kua gagao a koe he tau motu na.

Fakamanatu atu kaeke kua liliu mai he tau motu ia ne tupu ai e gagao dengue fever moe Zika fever ti kaeke ke gagao a koe poke ha tagata foki ne hau he tau motu ia fakamafiti mai ke kitia e ekekafo he faahi Gahua Malolotino.

Amaamanaki ke muitua kehe tau puhala puipui aki e tau gagao nei ke aua neke hoko mai ki Niue.

Ka fia manako ke iloa atu foki falu a vala tala kehe fakailoaaga nei ti kumikumi atu kehe Faahi Gahua Malolotino he telefoni 4100 poke meli hila Director.Health@mail.gov.nu

Fakaaue lahi.